Аскания Православная
Пресвятая Богородице, спаси нас!
19 марта в праздник чествования икон Божией Матери «Покрывающая» и «Благодатное небо» наш настоятель протоиерей Иоанн в храме иконы Божией Матери «Спорительницы хлебов» перед этоми чтимыми иконами отслужил молебен. На нашем приходе две иконы Божией Матери «Покрывающая», привезенные отцом Иоанном в разное время из паломнических поездок: «Покрывающая» и «Покрывающая (Домодедовская)»
Перед образом Божией Матери «Покрывающая» молятся о защите детей; при различных скорбях; при демонских нападениях.
Молитва иконе Богородицы «Покрывающая»
О Пресвятая Дево Богородице, Премлостивая Мати всех христиан, наипаче же скорбящих, гонимых и многоразличными недугами одержимых! Аз, яко нищ и убог душею и телом, представ пред святым Твоим образом, со слезами и умильно прошу Твоего благодатного подаяния. Ничто бо доброе и благое во мне есть, - весь обложен немощами, нищетою и убожеством, - нозе мои не обувени, дабы поспешати ми на дела святыя и богоугодные; руце мои загрязнены от множества содеянных мною беззаконий; очи мои потуплены от нечистыя совести. Зане не возмогут взирати на благолепие красоты Твоея, явленныя нам в чудотворном Твоем образе «Покрывающая». Все лице мое потемнено и испещрено печатью безчисленных моих пороков и грехопадений. Несть во мне ни спасительныя веры, ни утешительныя надежды, ни благостныя любве; аз есмь яко гнилостный сосуд, преисполненный всякия скверны: гордости, себялюбия, высокоумия, тщеславия, гнева, раздражительности, злобы, памятозлобия, недоброжелательства, зависти, ревности, осуждения, ропота, злословия, празднословия, лукавства, лести, обмана, лицемерия, уныния, нетерпения, малодушия, невоздержания душевных и телесных чувств, пристрастия, плотоугодия, всякаго сладострастия и иных тмочисленных страстей. И яково мое убожество духовное, таково же и телесное - болезни и напасти обдержаша мя и все житие мое, яко трость ветром колеблема полна непостоянства, страха и всякия опасности. По глаголу святаго апостола: беды отдухов злобы поднебесных; беды от ненавидящих, обидящих и враждующих противу меня человеков; беды от зверей, скотов и гад земных; беды от стихий мира - молнии, огня, воды, тлетворнаго воздуха, хлада, глада; беды от многих немощей и болезней моего тела; беды на пути и в дому; беды во дни и в нощи. Кто же мя поддержит, кто сохранит, кто от врагов избавит, кто к добродетели направит, кто болезни моя исцелит, кто утешит, упокоит, вразумит, наставит, спасет и помилует аще не Ты, Пресвятая Мати, Заступница и Покровительница моя Всеблагая! Ты разсеянный по миру ум мой собери, пбмыслы от всякия скверны очисти; чувства, отравленный всяцем злом, освежй; волю мою дряблую на все доброе укрепи и от пагубнаго безволия мя избави; сердце от страстей свободи и святой любовию к Богу и ближним наполни; всю внутреннюю храмину мою переустрой и удобным жилищем Духа Святаго соделай. Не остави мя, Премилосердая Владычице, и в телеснем моем многоскорбнем житий: болезни потреби; враги видимые и невидимые разжени; злыя обстояния разруши; страх, приходящий от духов злобы и человеков, хотящих мя погубити, отжени; вся потребныя и нужная ми даруй, бодрость духа посли. Да обновленный, да очищенный, да утешенный Тобою, Царица моя Пресвятая, прославлю Святую Троицу, Отца и Сына и Святаго Духа и Твое дивное о мне попечение, ныне и присно и во веки веков. Аминь.