Аскания Православная

Пресвятая Богородице, спаси нас!

24 сентября в день празднования иконе Божией Матери «Каплуновская» наш настоятель протоиерей Иоанн Канинец в приделе иконы Божией Матери «Мати Молебница» храма «Спорительницы хлебов» отслужил молебен с чтением акафиста перед этой иконой, привезенной батюшкой с паломнической поездки.

Тропарь, глас 7:

Яко дар безценный восприемлюще чудотворную икону Богородицы, припадем ко Христу Богомладенцу, вопиюще и глаголюще: разреши пленицы прегрешений наших, даруй нам спасение и жизнь вечную, и вся в сем житии благопотребная, молитвами Богородицы, Многомилостиве.

Кондак, глас 3:

Девы днесь образ зрим во храме святем, и радостию плещет земля, ангельстии же воинства ликуют, и вси вернии покланяются нас ради на земли рожденному Предвечному Богу.

Молитва ко Пресвятой Богородице

О Пресвятая Госпоже Владычеце Богородице! Со страхом, верою и любовию припадающие пред честною иконою Твоею, молим Тя, не отврати лица Твоего от прибегающих к Тебе, умоли, милосердная Мати, Сына Твоего и Бога нашего, Господа Иисуса Христа, да сохранит мирну страну нашу, да утвердит Церковь Свою святую, да непозыблему соблюдет Ю от неверия, ереси и раскола. Не имамы бо иныя помощи, не имамы иныя надежды, разве Тебе Пречистая Дево, Ты бо еси всесильная христиан Помощница и Заступница. Избави всех с верою Тебе молящихся от падений греховных, от навета злых человек, от всяких искушений, скорбей, бед и от напрасныя смерти. Даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси, благодарне воспевающе величия Твоя, сподобимся Небеснаго Царствия и тамо со всеми святыми прославим Пречестное и Великолепое Имя Отца и Сына и Святаго Духа. Аминь.

 Пресвятая Богородице, спаси нас!

Пресвятая Богородице, спаси нас!

Пресвятая Богородице, спаси нас!