Новости
Встреча икон
30 декабря до начала Божественной Литургии у храма иконы Божией Матери «Спорительница хлебов» состоялась встреча икон Божией Матери «Распутывающая узлы» и святой мученицы Афры Аугсбургской с частицей ее святых мощей. Отец Иоанн поблагодарил всех за молитвы, рассказал о своей поездке по святым местам.
РАСПУТЫВАЮЩАЯ УЗЛЫ
Тропарь, глас 4
Благословенная Владычице мира, / Небесе и земли Богоблагодатная Царице, / предстательством Твоим разделения и вражду любовию превозмогающая, / запутанные узлы жизни нашея разрешающая. / Со святых мест иконою Своею принесенная, / сердца наша любовию Сына Твоего озари, / вся грады и веси земли нашея благослови, / козни вражия Твоими молитвами разори, // яко Всемилостивая Свободительница.
Кондак, глас 5
Всеблагая Мати Владычице, / Ходатаице ко Всещедрому Твоему Сыну, / свободи нас от лютых обстояний, временных и вечных, / подаждь исцеление недугов душевных и телесных, / припадающе любовию к чудотворней иконе Твоей / со умилением вопием Ти: / радуйся, Всеблагая Дево, // и спаси от бед души наша.
Величание
Величаем Тя, / Пресвятая Дево, / Богоизбранная Отроковице, / и чтим образ Твой святый, / имже точиши исцеления всем, с верою притекающим.
Личное прошение, произносимое пред образом Божией Матери, Распутывающая узлы.
Пресвятая Владычица моя Богородица! Матерь Бога нашего, не оставляющая никогда без Покрова взывающих к Тебе чад! Руки Твои, движимые любовью Божественной и нескончаемым милосердием, изливаемыми из святого Твоего сердца, без устали трудятся ради возлюбленных детей Твоих. Обрати очи Твои, полные сочувствия милосердного, на меня грешного. Воззри на узы мои, сковывающие и душащие мя. Ты ведаешь мою боль и отчаяние, Ты знаешь о страданиях моих. Пресвятая Владычица! В руки Твои предаю жизнь мою, ибо нет ни единой скорби, которую не могла бы Ты разрешить. В руках Твоих нет ни единого узла трудностей наших, который не мог бы быть развязан Тобою. Всемогущая Матерь Божия! Ради прославления Сына Твоего и Господа нашего Иисуса Христа воззри на запутанные узы страданий моих и развяжи их силою Твоея Благодати и силою предстательства Твоего пред Всемилостивейшим Богом нашим, ибо Ты есть наша Утешительница и Укрепление слабых душ наших, Ты есть Сокровище нищеты нашей и Освобождение нас от всякого злого действа, мешающего единению нашему со Христом. Приими прошение мое. Сохрани и защити меня грешного. Укажи мне путь правый, яко Ты есть надежное Прибежище мое и Опора моя. Моли о мне усердно Сына Твоего, Ему же подобает честь и поклонение и всякая слава, ныне и присно и во веки веков. Аминь.
Святой мученице АФРЕ Аугсбургской
Тропарь, глас 3
До́блести и любве́ крила́ми / возлете́ла еси́ к Жела́емому Христу́, / чистото́ю убеле́на, / ве́рою пра́вою преукраше́нна, / юже, от слове́с Нарки́ссовых прии́мши,/ дерзнове́нно пред мучи́тели испове́дала еси́./ Те́мже, ки́прское прозябе́ние, / Аугсбу́рга ди́вное удобре́ние, / Афро, страстоте́рпице честна́я, // Бо́га моли́ спасти́ся нам.
Кондак, глас 2
Храм твой всечестны́й, / я́ко цельбу́ душе́вную обре́тше, / вси ве́рнии велегла́сно вопие́м ти, / де́во му́ченице Афро, великоимени́тая: // Христа́ Бо́га моли́ непреста́нно о всех нас.
Величание
Велича́ем тя, / свята́я му́ченице Афро, / и чтим честно́е страда́ние твое́, / е́же за Христа́ // претерпе́ла еси́.
Молитва святой Афре
О святая мученице Афро! Услыши и приими ныне нас, молящихся и припадающих ко святым мощам твоим. Смиренно просим тебя, молися о нас, святая дево, ко Господу, да святыми твоими молитвами Господь, даруя всякия блага, да сохранит под покровом Своея милости дома и землю нашу от запаления огненнаго, от удара молнии, от злоумышления диавольскаго и от замыслов злых человек. Испроси у Бога помощи спасателям, пожарным и всем, борющимся с огненной стихией. Вознеси ко Господу святыя молитвы твоя о нас и умоли Его оставить нам согрешения наша, да сохранит и спасет нас, ныне и присно и во веки веков. Аминь.
