Аскания Православная

7 октября в Неделю 19-ю по Пятидесятнице, в праздник чествования иконы Божией Матери «Мирожская» и памяти святой первомученицы равноапостольной Феклы Божественную литургию в храме сщмч. Григория епископа, просветителя Великой Армении совершил наш настоятель протоирей Иоанн Канинец. После завершения литургии был совершен Крестный ход от Григорьевского храма до храма «Спорительницы хлебов», где был отслужен молебен  перед иконами Божией Матери «Мирожская» и святой равноапостольной Феклы с частицей ее святых мощей. Во время богослужения ко Господу возносились молитвы о мире в нашей стране. Отец Иоанн поздравил всех с воскресным днем и пожелал всем Божией помощи, любви и взаимопонимания.

Пред иконой Пресвятой Богородицы «Мирожская» молятся при всякой немощи телесной и душевной, об облегчении недугов, от морового поветрия, об избавлении от засухи, об исцелении от кровотечения, бесплодия и даровании чадородия, об укреплении в нуждах и печалях, о помощи несения иноческого креста, об исцелении от головной боли, об исцелении расслабленных и в семейных скорбях. Святой равноапостольной первомученице Фекле молятся о здоровье, об исцелении от кожных болезней, о благополучии брака, об избавлении  от смерти на войне.

Молитва ко Пресвятой Богородице пред Ее иконою «Мирожская»

О Пресвятая Владычице Богородице, Небеснаго Царя Мати, Богоизбранная Отроковице, ненадежных надеяние, больных исцеление, сирым предстательнице, скорбящим утешение и радость, обидимым покровительнице и всем в бедах и напастех сущим скорое поможение и заступление! Помози, о Мати Божия, и нам грешным в скорби нашей, возвесели радостию сердца людей Твоих, управи в мире и тишине жизнь нашу, и не даждь нам во отчаяние впасти. Ты бо едина еси паче всех святых и паче всех горних умов предстательница наша к Богу, яко Всеблагаго Царя Благая Мати. Темже мы грешнии, на пречистый Твой образ знамения взирающе, умиленно преклоняем колена, и благоговейно лобызающе, молим Тя, Благосердая Мати: не отрини смиреннаго моления нашего и яви нам знамение милости Твоея, никтоже бо, к Тебе прибегая со упованием, исходит от Тебе посрамлен, но просит благодати и приемлет дар к полезному прошению, прославляя Сына Твоего и Бога, и Тебе с Ним, во веки веков. Аминь.

 Молитва  святой равноапостольной первомученице Фекле

О богоблаженная святая первомученице, равноапостольная дево, Фекло прехвальная, истинная невесто Христова, красото тверди церковныя, мысленнаго Неба утренняя звездо, пресветлый бисере чистоты и целомудрия, сада райскаго благоуханный цвете! Ты, паче всех благ и самыя жизни единаго Господа возлюбившая, добре за Имя Его пострадавшая, венцы девства, мученичества и апостольства предивно от Него увенчанная, ликом Небесным сопричтенная, аще и радуешися ныне во славе вечней, но не оставлявши и нас, чтущих тя, яко неусыпную пред Богом ходатаицу и милосердую нашу предстательницу. И якоже дарова тебе велию благодать Жених твой, сладчайший Иисус, смиренно молим тя: вонми прошением нашим сердечным, не остави нас в мире сем сирых; посети ны, в темнице греха сущия, на покаяние бодренное скоро возстави, души и тела научи блюсти чистоту, на путь доброделания направи, к евангельскому жительству усердие вдохни, молитвы огнь святый воспламени и возведи к любви Божественней. Ей, добропобедная первострадальнице, понеже многая на пользу испросити можеши у Многомилостиваго Иисуса Спаса нашего, помощница скорая в сей жизни буди. Ангельское охранение нам исходатайствуй, раны и язвы болящих уврачуй, скорбящим благодатную отраду низпосли юность и отрочество чистотою огради, иноком в трудех и послушании пособствуй, супружества нерасторжима соблюди, воины во бранех неодолимы сотвори, враги же веры и Святыя Церкве расточи. Пролей, нареченная избраннице Христова, моление твое за ны ко Господу, да дарует нам жития течение неукоризненно, старость неболезненну, безбедну, мирну; кончину же непостыдну, Таин Пресвятых, Тела и Крове Его Божественных, причастну, во еже Царствие Небесное нам улучити и с чинми Ангельскими тамо пребывати, и со святыми купно воспевати в Троице славимаго Бога, Отца, и Сына, и Святаго Духа, в безконечныя веки веков. Аминь.