Аскания Православная
Чтение акафистов
27 ноября в день чествования иконы Божией Матери "Благоуханный цвет", в день памяти апостола Филиппа и святителя Григория Паламы в приделе иконы Божией Матери «Мати Молебница» храма «Спорительницы хлебов» наш настоятель протоиерей Иоанн Канинец отслужил молебен с чтением акафистов перед этими чтимыми иконами. Икона апостола Филиппа с частицей его святых мощей была привезена отцом Иоанном с паломнической поездки по Святой Земле. Апостолу Филиппу молятся, как при сеянии, так и во время жатвы хлеба. Радуйся Филиппе, святый апостоле Христов и молитвенниче о нас неусыпный!
Молитва первая
«О, преславный апостоле Филиппе, душу за Христа предавший и кровию твоею пажить Его удобривший! Услышь чад твоих молитвы и воздыхания, сердцем сокрушенным ныне приносимыя. Се бо беззаконьми омрачихомся, и того ради бедами, якоже тучами, обложихомся, елеа же добраго жития обнищахом зело, и не возможем противитися волком хищным, иже расхищати наследие Божие дерзостно тщатся. О, сильний! Понеси немощи наша, не отлучайся духом от нас, да не разлучимся в конец от любве Божия, но крепким заступлением твоим нас защити, да помилует Господь всех нас молитв твоих ради, да истребит же рукописание безмерных грехов наших, и да сподобит со всеми Святыми блаженнаго Царствия и брака Агнца Своего, Емуже честь и слава, и благодарение и поклонение, во веки веков. Аминь.»
Молитва вторая
«О святый апостоле Христов Филлипе! Молим тя: сохрани и соблюди нас молитвами твоими от искушений диавольских и падений греховных и испроси нам, рабам Божиим (имена), свыше помощь во время уныния, да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских. Ей, апостоле Спасов! Не посрами нас, но буди нам помощник и покровитель во всем житии нашем и помози нам благочестно и богоугодно житие сие временное скончати, христианскую кончину получити и добраго ответа сподобитися на Страшнем Суде Христове; да прославим великолепое имя Отца и Сына и Святаго Духа во веки веков.»
Молитва третья
«О, святый и всехвальный провозвестниче Евангелия Христова, славный учениче Христов апостоле Филиппе. Ты проповедуя слово Божие, многия труды, многия петешествия, многия страдания претерпел еси, последи же веру твою крестною смертию запечатлел еси. Ныне же предстоя престолу Учителя твоего и Господа Иисуса Христа, вознеси о нас моление к Нему, да не тща будет в нас искупительная жертва Его, да обратит нас от тьмы греховныя к свету заповедей и на путь правый наставит нас. Умоли Его, святый апостоле, веру Православную в нас до конца дней наших непоколебиму сохранити, Церковь Свою святую непреобориму от ересей и расколов до скончания века утвердити, болящия исцелити, от бесных бесы отгнати и всем нам на всяку потребу полезную милость Свою ниспослати. Да тако мы, в верности Евангельскому учению пребудем и сотворив вся повеленная нам, сподобимся непостыдной, мирной, Святых Таин причастной христианской кончины, и во Царствии Небеснем с тобою и всеми святыми прославим Христа Бога, Ему подобает честь и поклонение вкупе со безначальным Его Отцем и Пресвятым и Благим и Животворящим Его Духом ныне и присно и во веки веков. Аминь.»
Величание
Величаем тя, апостоле Христов Филиппе, и чтим болезни и труды твоя, имиже трудился еси во благовестии Христове.
