Новости
Встреча икон Божией Матери
10 декабря вечером у храма «Спорительницы хлебов» состоялась встреча икон Божией Матери «Минская» , «Умиление» и «Толгская» принесенных нашим настоятелем о. Иоанном из паломнических поездок. В храме был отслужен молебен о мире и благополучии в нашей стране. В проповеди отец Иоанн рассказал о поездках и поблагодарил всех за молитвы.
Пред иконой Пресвятой Богородицы «Минская» молятся об избавлении от нашествия иноплеменных, от скорби и искушений, об исцелении болезней.
Молитва ко Пресвятой Богородице пред Ее иконою «Минская»
О Всепетая и Всеблагая Дево Богородице, небесная наша заступнице! К Тебе по Бозе, яко премилосердней Госпоже, соборне прибегаем и вопием: приими сие малое хвалебное пение, сохрани богоспасаемый град сей, емуже чудотворная икона Твоя во отраду и утешение дадеся. Молим Тя, Владычице Всемилостивая: избави нас от враг видимых и невидимых, от нашествия иноплеменных и междоусобныя брани, от злаго обстония и скорби, от искушений, бед и болезней. Спаси и помилуй рабы Твоя: святейшия патриархи православныя, преосвященныя митрополиты, архиепископы, епископы, весь священнический и монашеский чин и весь причет церковный. Приими под кров Твой власти и воинство богохранимыя страны нашея, вразуми и настави их право правити, заповеди Божия соблюдающе, да тихое и безмолвное житие поживем во всяком благочестии и чистоте. О Пресвятая Владычице! Не забуди нас во вся дни жизни нашея и да пребывает с нами неотступно образ Твой честный. Во время же исхода нашего пролей теплую молитву ко Праведному Судии, да презрев безчисленная согрешения наша, помилует и спасет нас, яко благ и человеколюбец. Аминь.
Пред иконой Пресвятой Богородицы «Умиление женщины просят Богородицу о даровании счастья материнства. Девушки молятся о благополучном замужестве. А матери просят Пречистую оградить от всяких бед их детей. Икона Богоматерь Умиление посылает помощь для благополучного прохождения подростками трудностей переходного возраста.
Молитва ко Пресвятой Богородице перед Ея иконой, именуемой «Умиление»
Приими, всеблагомощная, Пречистая Госпоже, Владычице Бого-родительнице, сия честныя дары, Тебе единей прикладныя, от нас, недостойных рабов Твоих: от всех родов избранная, всех тварей небесных и земных высшая явльшаяся, понеже бо Тебе ради бысть Господь Сил с нами, и Тобою Сына Божия познахом и сподобихомся святаго Тела Его и пречистыя Крове Его; темже блаженна еси в родех родов, Богоблаженная, херувимов светлейши и серафимов честнейши сущая. И ныне, всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и всякаго обстояния и сохранитися нам неврежденным от всякаго ядовитаго прилога диавольскаго; но даже до конца молитвами Твоими неосужденных нас соблюди, яко да Твоим заступлением и помощию спасаеми, славу, хвалу, благодарение и поклонение за вся в Троице Единому Богу и всех Создателю возсылаем, ныне и присно, и во веки веков. Аминь.
Пред иконой Пресвятой Богородицы «Толгская » молятся о избавления от алкогольной зависимости, исцеления болезней желудка, помогает Царица Небесная и в разных житейских делах. Всегда она помолится о тех, кто сошел с правильного пути христианской веры и предался грехам, в ком ослабело упование на Господа.
Молитва ко Пресвятой Богородице пред иконою Ее «Толгская»
Приими, о, Всеблагословенная и Всемощная, Пречистая Госпоже Владычице, Богородице Дево, сия молитвы, со слезами Тебе ныне приносимыя от нас, недостойных рабов Твоих, к цельбоносному образу Твоему со умилением притекающих, яко Тебе Самей ту сущей, и слышащей моления наша, и подающей с верою просящим по коемуждо прошению исполнение. Скорбящим бо скорби облегчаеши, немощным здравие даруеши, разслабленных и недужных исцеляеши, от бесных бесы прогоняеши, обидимыя от обид избавляеши и гибнущия спасаеши, грешных кающихся прощаеши, прокаженных очищаеши, малых детей милуеши, от уз и темниц свобождаеши, и всякия многоразличныя страсти врачуеши Ты, Госпоже Владычице Богородице: вся бо суть возможна ходатайством Твоим к Сыну Твоему, Христу Богу нашему. О, Всепетая Мати, Пресвятая Богородице Дево Марие! Не престай молитися о нас, недостойных рабех Твоих, славящих Тя и почитающих, и поклоняющихся пречистому образу Твоему, и надежду имущих невозвратну и веру несумненну к Тебе, Приснодеве Преславней и Непорочней, ныне и присно, и во веки веков. Аминь.
