Новости
Святый благоверный великий княже Игоре Черниговский и Киевский, моли Бога о нас!
2 октября в день святого благоверного князя Игоря наш настоятель протоиерей Иоанн в приделе иконы Богоматери «Мати Молебница» храма «Спорительницы хлебов» отслужил молебен с акафистом перед иконой святого Игоря, привезенной им с паломнической поездки для нашего храма
Тропарь, глас 4
Просветився Божественным крещением, Духа Святаго светлостьми озаряемь, Евангелие Христово в сердце твое восприял еси, делом слово Сына Божия исполняя, благоверный княже Игоре, моли Всеблагаго Спасителя нашего даровати мир и милость и спасение душ наших, чтущих честную память твою.
Кондак, глас 6
Изменил еси земнаго княжения славу во иночества образ смиренный и, страдальчески земное житие скончав, ныне на Небесех радуешися, усердне моляся о чтущих тя, Игоре, страдальцев похвало.
Молитва
О святый угодниче Божий, страстотерпче, благоверный княже Игоре! Ты измлада Бога возлюбил еси, мудрования плотская, честь и славу княжескую ни во чтоже вменил еси и монашескаго образа, еще юный леты, достигл еси, к Богу единому всею душею твоею прилепился еси и, благое иго Христово на ся взем, путем спасительным неуклонно шествовал еси даже до смерти мученическия. Сего ради венча тя Господь, блаженне Игоре, венцем славы и прият в Своя Небесныя селения, идеже ты ныне, неизреченныя славы и радости наслаждающеся в невечернем дни Царствия Христова, с лики святых страстотерпцев и всех святых Бога о нас умоляеши. Молимся тебе, святче Божий, припадая к честному образу твоему: молися о нас, грешных и непотребных, испроси молитвами твоими мира державе нашей, граду сему (и святому храму сему) благодати и милости; Церковь святую огради молитвами твоими от ересей и расколов, пастырем ея испроси ревность и благочестие, всем же нам любовь нелицемерную и терпение даруй, грехов наших прощение, болезней и всяких недугов исцеление; покрый и сохрани всех нас от всяких бед, скорбей и напастей, да, благодаряще, прославим Святую Живоначальную Троицу, Отца и Сына и Святаго Духа, во веки веков. Аминь.
