Новости
Встреча иконы
20 февраля у храма иконы Божией Матери «Спорительница хлебов» перед началом Божественной литургии состоялась встреча иконы с частицей мощей праведного воина Феодора (Ушакова). В храме был отслужен благодарственный молебен. Община благодарит раба Божьего Александра, трудами и стараниями которого нашему приходу передали икону с мощами этого святого.
Тропарь, глас 4
Святый воине флотоводче Феодоре, / житием праведным Богу воистину угодил еси, / подвигом ратным отечеству добре послужил еси / и Царствие Небесное наследовал еси; / темже, яко новому победоносцу, благодарственно тебе вопием: / радуйся, архистратиже непобедимый Феодоре, / земли Таврическия и града Херсона покровителю.
Кондак, глас 2
Святый победоносный воине флотоводче Феодоре, / агарянское нашествие от предел Таврических отгнал еси, / православных множество от убиения избавил еси, / церкви Божия светло украсил еси, / ныне прилежно Господеви молися, / сохраняя отечество наше от глада, / болезни, меча и междоусобныя брани, / мир мирови даровати / и душам нашим велию милость.
Молитва
О преславный и достохвальный воине флотоводче Феодоре, Небесный защитниче и покровителю земли Таврическия и града Херсона! Се ныне, память твою почитающе и православно тя величающе, смиренно молим тя: вознеси ко Господу Богу теплыя молитвы твоя о нас и испроси у Него оставление всех согрешений наших, коими ежечасно преогорчеваем Его. Умоли Господа даровати нам ко отечеству нашему любовь нелицемерную, мир и благоденствие Церкви нашей Православней, всем же нам телесное здравие и душевное спасение, христианскую кончину живота нашего и добрый ответ на Страшнем Суде Его. Ей, святче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да твоими молитвами получивше благодать и милость от Господа, прославим человеколюбие Отца и Сына и Святаго Духа и твое святое заступление, ныне и присно и во веки веков. Аминь.
Величание
Величаем тя,/ святый праведный воине-флотоводче Феодоре,/ и чтим святую память твою,/ земли Таврическия молитвенниче / и града Херсона Небесный покровителю.
